رێکخراوێکی دانیشتووانی سەهیۆنیی توندڕەوی رەگەزپەرست بە ناوی "چیای پەرستگا" ڤیدیۆیەکی خەیاڵی بڵاوکردەوە کە تێیدا ئاگرێکی گەورە لە مزگەوتی ئەقسا کەوتەوە.

چەتەکانی سەهیۆنی بە دروستکردنی ئاگرێکی گەورە لە قبة الصخرة و دەوروبەری کە دەکەوێتە ناو مزگەوتی ئەقسا، بەو ڤیدیۆ ساختەیەی کە بڵاویان کردەوە، مەبەستی راستەقینەی خۆیان ئاشکرا کرد.

رێکخراوەکە ڤیدیۆکەیان بە دەستەواژەی "سەرکەوتنی یەکلاکەرەوە" بڵاوکردەوە و دواتر بە یاداشتەکەی "بەم زووانە، لەم ڕۆژانەدا" دووبارە بڵاویکردەوە.

شێخ عیکریمە سەبری وتارخوێنی مزگەوتی ئەقسا لە بەیاننامەکەیدا جەختی لەوە کردەوە کە ئەم وێنانە جارێکی دیکە تەماحی گروپە جولەکە رەگەزپەرستە توندڕەوەکان لەسەر مزگەوتی ئەقسا ئاشکرا دەکەن.

سەبری وتی، خەونی ئەم گروپانە بۆ دەستبەسەرداگرتنی ئەقسا و بەدیهێنانی پلانە شەڕانگێزیەکانیان لەوێ نوێ نییە، بەلکو تەماحێکی ڕەگداکوتاون و ئێمەش هۆشداری دەدەین لەم هەنگاوە مەترسیدارانە.(İLKHA)